"Барселона" етакчиси узоқ муддатга дисквалификация қилиниши мумкин

"Барселона" етакчиси Рональд Араухо ҳамда "Ливерпуль" ҳужумчиси Дарвин Нуньес Уругвай ва Колумбия терма жамоалари ўртасидаги учрашув якунланганидан кейин мухлислар билан уришиб кетгани учун узоқ муддатли дисквалификацияга сабаб бўлиши мумкин.

КОНМEБОЛ ушбу ҳолат бўйича иш очган, бу ишга ФИФА ҳам қўшилиши мумкин. Агар футболчиларга қўйилган айбловлар ўз тасдиғини топса, ҳар икки футболчи нафақат терма жамоа ўйинларидан, балки клубдаги ўйинлардан ҳам четлатилади.

Эслатиб ўтамиз, Копа Американинг ярим финалида Уругвай Колумбияга мағлуб бўлганидан сўнг футболчилар ва рақиб мухлислари ўртасида жанжал содир бўлган.