"Барселона" футболчиси 2 йилу 8 ойга қамоқ жазосига ҳукм қилинди

Хавбек Истанбулдаги барлардан бирида туркиялик қўшиқчи Беркай Шахинга қасддан жароҳат етказганликда, жамоат хавфсизлигига хавф солганликда ва рухсатсиз қуролга эга бўлганликда айбланмоқда.

Бу воқеа 2018 йил октябрда содир бўлган. Футболчи шундан сўнг узр сўраган, аммо унга қарши жиноий иш очилган эди. "Барселона" футболчиси 2018 йилдан буён "Истанбул Башакшехир"да ижарада ўйнаётган эди.

Эслатиб ўтамиз, Арда Туран "Барселона"га 2015 йилда Мадриднинг "Атлетико" клубидан ўтган эди.