“Барселона” Ла Лигага трансферга рухсат олиш учун сўров юборди

“Барселона” раҳбарияти Усмон Дембеленинг операцияси ҳақидаги маълумот ва ҳужжатларни Ла Лигага юборди. Уч кун ичида Ла Лига шифокорлар комиссияси ўз қарорини маълум қилади. Лига раҳбарияти трансфер ойнаси ёпилган бўлса-да, клубга жароҳат сабаб янги футболчи харидига рухсат бериши мумкин. Бу борада Ла Лига регламентида қайд этиб ўтилган.

Қайд этиш жоиз, Дембеледан ташқари жамоанинг асосий ҳужумчиси Луис Суарес ҳам жароҳат олган. Бироқ Суареснинг апрелда сафга қайтиши кутилмоқда. Усмон учун эса мавсум якунланди.