16 окт 16:41
Янгиликлар

Футбол

"Барселона" "Манчестер Юнайтед" футболчисини ўз сафига қўшиб олмоқчи

Mundo Deportivo нашри хабарига кўра, "Манчестер Юнайтед" ҳужумчиси Маркус Рашфорд Каталония клубининг ёзги трансферлар ойнасидаги энг асосий мақсадларидан бири бўлади.

Манба тақдим этган маълумотга кўра, каталонияликлар, 2020 йилда жамоани тарк этиши мумкин бўлган Луис Суаресга ўринбосар танлашмоқда. Бундан ташқари уругвайлик форвардни ўрнини босадиган, потенциали юқори футболчиларнинг қисқа рўйхати эълон қилинди.

Эслатиб ўтамиз, Рашфорднинг амалдаги шартномаси 2023 йилда тугайди. У манчестерликлар сафида 180 ўйинда майдонга тушиб, барча турнирларда 48та гол урди.

Аввалроқ унинг ўзи "манкунианликлар"нинг Премьер-лигада қийин вазиятда эканлиги ҳақида фикр билдирган эди.