"Барселона" Nike дан 1,7 млрд евро олади

Каталония клуби ва Америка компанияси янги битим имзолашга яқин турибди. Томонлар келишувни яна 10 йилга узайтиришади. Шартномада келишувни узайтириш учун 158 млн. евро миқдорида бонус белгиланган.

Бу маблағ келишув йилларига тенг бўлиб юборилади. Шартнома муддати 14 йилни ташкил қилади: Амалдаги шартноманинг 4 йили (2028 йилгача) ва 10 йиллик янги битим (2028дан 2038 йилгача). Шундай қилиб, ҳар мавсум учун тўлов 11,28 млн. еврога тенг бўлади.

Умумий ҳисобда янги шартнома "Барселона"га 1,7 млрд евро даромад келтиради, бу ҳар мавсум учун ўртача 127 млн. евро дегани.