"Барселона" ўзига Германиядан марказий ҳимоячи топди

Аввалроқ, 29 ёшли немис "Байер"ни мавсум якунида тарк этишини маълум қилганди - у клуб билан янги шартнома борасида келиша олмаган. "Барса" ва футболчи ўртасида ҳали ҳеч нарса имзоланмаган, аммо оғзаки келишув мавжуд.

Тага "Реал" ва "Бавария" ҳам даъвогарлик қилмоқда. Агар ёзда жамоани "Байер"нинг амалдаги устози Хаби Алонсо бошқарса, мадридликлар варианти долзарб бўлиши мумкин. Футболчи ва мураббий ўртасида яқин муносабатлар мавжуд.

Жонатан Та "Байер"га 2015 йилда келиб қўшилган. Бу вақт ичида у 398 та ўйинда майдонга тушиб, 17 та гол урди ва 13 та голли узатмани амалга оширди. Жорий мавсумда Та 45 та учрашувда қатнашиб, 3 та гол урди ва 1 та голли узатмани амалга оширди. Transfermarkt маълумотларига кўра, унинг бозор қиймати 30 млн еврони ташкил этади.