“Барселона” қишки трансферлар вақтида 5 футболчисини сотади

“Барселона” агар қишда харидор топиладиган бўлса, Усмон Дембеле, Самюэль Юмтити, Мартин Брэйтуэйт, Хуниор Фирпо ва Карлес Аленьяни сотишга қарор қилган. Жамоа бу орқали маошлар харажатини камайтиришни мўлжал қилган.

Маълумот учун, Дембеле жорий мавсум 7 та ўйинда 2 та гол урди, 1 та голли узатма берди. Брэйтуэйт 4 та ўйинда қатнашди. Юмтити эса ҳали бир марта ҳам майдонга тушмади. Фирпо 2 та ўйинда жами 24 дақиқа ҳаракат қилди. Аленья бўлса жорий мавсум бор-йўғи 7 дақиқа ўйнаган.