"Барселона" "Реал" ҳомийси билан 207,5 млн евролик битим имзолади

"Sixth Street" номли Америка инвестиция компанияси испан клубининг Ла Лига учрашувларининг телеҳуқуқларининг 10%ни 207,5 миллион еврога сотиб олди. "Sixth Street" ТВ-ҳуқуқлар орқали кейинги 25 йил давомида фойда кўради.

Шундай қилиб, "Барса" капиталининг умумий ўсиш кўрсаткичи 267 млн еврони ташкил этади.

Аввалроқ клуб молиявий ҳолатини ўнглаш учун телевизион ҳуқуқларининг 25% ва атрибутикалар бизнесининг деярли 50% сотишга қарор қилгани маълум бўлганди. 

"Sixth Street" бундан ташқари "Сан-Антонио" баскетбол клубининг 20%га эгалик қилади, Қизиғи, ушбу компания "Реал"га ҳам 380 миллион доллар молия киритган. Мадрид клуби стадиондан тушган фойданинг 30% америкаликларга ўтказиб беради.