“Барселона” собиқ президенти Мессини жамоада сақлаб қолиш лозимлигини таъкидламоқда

“Барселона” клубининг собиқ президенти, айни пайтда ушбу лавозим учун асосий даъвогар бўлиб турган Жоан Лапорта клуб раҳбариятини жамоа сардори Лионель Мессини сақлаб қолиш учун барча имкониятларни ишга солишга чақирди.

“Мессининг жамоада бўлиши катта маънога эга. Уни таркибда сақлаб қолиш учун бор имкониятларни сафарбар қилиш лозим. Мен Леога ишонаман, у эса менга. Мен ўз олдимдаги барча вазифаларни уддалашимни у жуда яхши билади. Месси ҳозиргача ўзини аввалги раҳбарият томонидан алдангандек ҳис қилади”, дея Лапортанинг сўзларидан иқтибос келтирмоқда Footbal Espana Marca  нашрига таяниб.

Мессининг “Барселона” билан келишуви 2021 йилнинг 30 июнида щз ниҳоясига етади. Ўтган йил ёзида аргентиналик футболчи Каталония клубини тарк этишга уриниб кўрган, аммо охир-оқибат яна бир мавсум жамоада қолишга қарор қилганди. 33 ёшли футболчини ўз таркибига қўшиб олиш учун “Манчестер Сити” ва ПСЖ клублари асосий даъвогар бўлиб туришибди.