14 июн 11:25
Янгиликлар

Футбол

"Барселона" ва "Челси" "Бавария" футболчиси учун курашади

"Бавария" ярим ҳимоячиси Кингсли Коман ёзги трансфер ойнасида клубини ўзгартириши мумкин.

Журналист Сабер Десфагреснинг твиттерда хабар беришича, французни "Барселона" ва "Челси" кузатмоқда. Коман "Бавария"дан кетишни хоҳламоқда, аммо Мюнхен клуби ярим ҳимоячи билан катта нарх эвазига хайрлашишга тайёр.

25 ёшли Коман "Бавария" сафида ўтган мавсум барча мусобақаларда 39та ўйинда майдонга тушиб, 8та гол ва 15та ассист қайд этди.

Французнинг немис клуби билан тузган шартномаси 2023 йилнинг 30 июнига қадар мўлжалланган.