"Барселона" янги ҳужумчиси билан тузилган шартнома тафсилотларини ошкор қилди

"Барселона" ҳужумчи Витор Рокенинг жамоага келишини эълон қилди. Яқин орада футболчи янги жамоа билан машғулотларни бошлайди.

Томонлар 2031 йилнинг июнига қадар шартнома имзолашди. Битимда футболчи учун товон пули миқдори 500 миллион евро қилиб белгиланган.

Бразилиялик футболчи "Атлетико Паранаэнсе"дан "кўк-анорранглилар" сафига ўтди. Transfermarkt портали хабарига кўра, "Барселона" 18 ёшли ҳужумчи учун 40 миллион евро тўлайди.