"Барселона"нинг ўйинида инқироз бошландими? Хави жавоб берди

"Бу инқироз эмас. Фаолиятим давомида даҳшатли инқирозларга дуч келганман, бу улар каби эмас. Ҳаётимда матбуотнинг танқидларига кўп учраганман. Бунга кўникиб ҳам қолганман. Бу "Барселона", барчасини борича қабул қилиш керак. 

Сўнгги ўйинларда ёмон ҳаракат қиляпмиз, тан олиш керак. Кутилганидек бўла олмадик. Жамоанинг мухлиси бўлганим учун бу мени 3 карра ташвишга солмоқда. Жамоа ғалабага эришса, уч карра кўпроқ хурсанд бўламан.

Позицион ўйинни яхшилашимиз, "Барселона" услубида ўйнашимиз керак. Руҳий тўсиқ ҳақида гапирдим, бу нарса бизнинг позицион ўйин кўрсатишимизда ҳалақит қиляпти", - деди Хави.

Хави бошқарувидаги жамоа навбатдаги учрашувини бугун "Алавес"га қарши ўтказади.