"Башакшеҳир" 3-ўриндаги жамоа майдонида дуранг қайд этди. Шомуродов 75 дақиқа ўйнади, Файзуллаев эса захирадан тушди

Меҳмонлар сафида ўзбекистонлик ҳужумчи Элдор Шомуродов ўйинни асосий таркибда бошлади ва 75-дақиқада захирага олинди, ярим ҳимоячи Аббосбек Файзуллаев эса жароҳатдан сўнг сафга қайтди. Хавбек 81-дақиқада захирадан ўйинга қўшилди ва 87-дақиқада сариқ карточка олди. Ҳамюртимиз кейинги ўйинни сариқ карточкалар йиғилиб қолгани сабаб ўтказиб юборади.

Ўйин 1:1 ҳисобидаги дуранг билан якунланди. Фелипе Аугусто 73-дақиқада мезбонларни олдинга олиб чиқди, захирадан майдонга тушган Дэви Зельке эса 90+3 дақиқада тўп киритиб, жамоасига бир очко олиб берди.

“Истанбул Башакшеҳир” Туркия Суперлигасида 30 турдан сўнг 48 очко билан бешинчи, “Трабзонспор” эса 65 очко билан учинчи ўринда бормоқда.