Баскетбол бўйича республика финал босқичи Навоийда старт олмоқда

Навоий шаҳри мезбонлик қилаётган ушбу мусобақада академик лицей ва профессионал таълим муассасалари ўқувчи-ёшларидан ташкил топган 4 та ҳудуд: Қорақалпоғистон Республикаси, Самарқанд, Фарғона ва Жиззах вилояти терма жамоалари республика чемпионлиги учун кураш олиб борадилар.

Маълумот учун, «Баркамол авлод» спорт ўйинлари республика финал босқичида ҳозиргача жами 8 та мусобақа ўтказилди. Финал босқичи доирасида яна бадминтон, баскетбол, белбоғли кураш, стол тенниси, шахмат ва шашка спорт турлари бўйича жами 6 та мусобақа бўлиб ўтади.

Эслатиб ўтамиз, 12 та спорт туридан ўтказилувчи ушу мусобақалар якунида 14 та ҳудуднинг тўплаган очколари ҳисобига кўра умумжамоа ҳисобида ғолибликни қўлга киритган ҳудуд аниқланади.