Баскетбол. Жаҳон чемпионати финалида кутилмаган жамоалар

Кутилмаганда жаҳон чемпионлиги учун Сербия ва Германия терма жамоалари паркетга чиқадиган бўлди. Олтин медаль соҳибини аниқлаб берадиган ушбу баҳс эртага, 10 сентябрь куни бўлиб ўтади. Ярим финал омадсизлари - Канада ва АҚШ терма жамоалари ўзаро ўйинда бронза медали соҳибини аниқлаб беришади. 

Кеча ўтказилган 1/2 финалда Германия терма жамоаси ўз тарихида илк бор финал йўлланмасини қўлга киритди. Немислар беш карра жаҳон чемпионлари ҳисобланган АҚШ терма жамоасини драматик кечган баҳсда 113:111 ҳисобида таслим этишди. Иккинчи ярим финал жуфтлигида эса Сербия Канададан 95:86 ҳисобида устун келди. 

Эътиборлиси, амалдаги жаҳон чемпионлари - испаниялик баскетболчилар хатто плей-офф босқичига ҳам чиқа олишмади. Испанлар Латвия ва Бразилия терма жамоалари жойлашган L гуруҳида учинчи ўрин билан кифояланишди.