06 май 09:46
Янгиликлар

Бошқалар

Баскетбол. Ўзбекистон терма жамоаси халқаро мусобақада совриндор бўлди

Қирғизистоннинг Бишкек шаҳрида баскетбол бўйича «Ғалабалар кубоги» номли халқаро мусобақа бўлиб ўтди.

Унда қўшни Қозоғистон ва Ўзбекистондан ташриф буюрган қатор жамоалар ғолиблик учун баҳс олиб боришди.

Мазкур мусобақада ЎзРМВСК ҳамда Ўзбекистон U-16 жамоалари юртимиз шарафини ҳимоя қилишди. Ҳар икки жамоамиз ҳам ярим финалгача муваффақиятли етиб келишди, бироқ финал остонасида ўсмирларимиз Бишкекнинг «Гинес 29», Мудофаа Вазирлиги спорт клуби эса Қозоғистон U-16 жамоасига имкониятни бой бериб қўйди.

Учинчи ўрин учун кечган баҳсда эса ўсмирлар терма жамоамиз 68:60 ҳисобида устун келишди. Шу тариқа Ўзбекистон ўсмирлар терма жамоаси халқаро мусобақанинг бронза медалига сазовор бўлди.