10 янв 17:16
Янгиликлар

Футбол

"Бавария" Мюллер билан шартномани узайтириш учун шарт қўйди

Мюнхеннинг "Бавария" клуби ҳужумчи Томас Мюллер маош масаласида ён беришини хоҳламоқда.

Мюллер янги шартномага эга бўлишни истаса, маоши камайишига розилик бериши керак бўлади. Бу ҳақда "Bild" нашри хабар бермоқда. Энг яхши ҳолатда у бонусларни қўшса, йилига 10-15 млн евро олиши мумкин.

Ҳозирда фахрий футболчининг йиллик маоши 20 млнни ташкил қилади. Мюллер "Бавария" афсонаси бўлиб, 2007 йилдан бери жамоа сафида 729 ўйин ўтказган. Уларда 246 та гол урган ва 271 та голли узатмани амалга оширган.

35 ёшли Мюллер майдонда аниқ позицияси йўқлиги билан машҳур. У ўзини "бўшлиқ изловчи" деб атайди.