Бахт тўкис бўлдими? Аёллар ўртасидаги "Номзодлар турнири"да ким зафар қучди?

Эркаклар ўртасидаги мусобақани 6 ғалаба, 8 дуранг натижа билан якунлаган ҳамюртимиз Жавоҳир Синдаров муддатидан аввал 10 очко билан Жаҳон тожи учун кечадиган матч йўлланмасини қўлга киритди. Гроссмейстеримиз турнирни мағлубиятсиз якунлаган ягона иштирокчи бўлди. 

Аёллар ўртасидаги турнирда эса чемпионлик масаласи сўнгги 14-турда ҳал бўлди. Ҳиндистонлик Вайшали Рамешбабу оқ доналарда Катерина Лагнони мағлубиятга учратди ва 8,5 очко билан Жаҳон тожи учун кечадиган матч йўлланмасини қўлга киритди. Қозоғистонлик Бибисара Ассаубаева эса 14-турда қора доналарда ҳиндистонлик Дивья Дешмуҳ билан дурангга рози бўлди ва бунинг натижасида йўлланмадан қуруқ қолди. У 8 очко тўплаган ҳолда мусобақа иккинчи ўринда якунлади. Фақат ғалабагина Бибисаранинг ғолиблик учун имкониятини сақлаб қоларди. 

Афсуски, бахт тўкис бўлиши учун ярим очко етмай қолди. Акс ҳолда, Жавоҳир Синдаров ва Бибисара Ассаубаева Кипрдан Жаҳон тожи учун чипта билан қайтиб келарди.