04 мар 17:32
Янгиликлар

Бошқалар

Бахтда Баҳодирлар ўйини ва тош кўтариш бўйича Ўзбекистон чемпионати бошланди

Бугун Сирдарё вилоятининг Бахт шаҳрида Баҳодирлар ўйини ва тош кўтариш бўйича Ўзбекистон чемпионати бахсларига старт берилди.

4-7 март кунлари оралиғида ўтказиладиган мамлакат чемпионатида ўсмирлар, ёшлар, катталар, фахрийлар ҳамда имконияти чекланган спортчилар медаллар учун беллашишади. Мусобақада Қорақалпоғистон Республикаси, мамлакатимизнинг деярли барча вилоятлари ҳамда Тошкент шаҳрида 400 нафардан зиёд спортчилар жам бўлишган.

Ўзбекистон Баҳодирлар ўйинлари ва тош кўтариш федерацияси раиси Воҳиддин Нажмиддиновнинг сайтимизга хабар беришича, бугун бошланган мусобақа 27-30 апрель кунлари пойтахтимиз мезбонлик қиладиган Осиё чемпионатига саралаш вазифасини ҳам ўтаб беради.