Байдарка ва каноэчилар Тошкент денгизида, слаломда эшкак эшувчиларимиз эса Андижонда ўзаро баҳслашмоқда

Жумладан, жисмоний тарбия ва спорт вазирининг 2020 йил 9 октябрдаги 1158-сонли буйруғига мувофиқ байдарка ва каноэ ҳамда параканоэда эшкак эшиш спорт турлари бўйича Ўзбекистон чемпионатига старт берилди. 

Мазкур чемпионат 10-21 октябрь кунлари Тошкент вилояти Туябўғиз сув омборида жойлашган Сув спорт турлари бўйича Республика Олий спорт маҳорати мактаби тассаруфидаги спорт базасида бўлиб ўтмоқда.

Мусобақа бир вақтнинг ўзида терма жамоа аъзоларининг жисмоний тайёргарлигини кўздан кечириш ҳамда терма жамоага номзодларни саралаш вазифасини ўтайди.

Шу кунларда Жисмоний тарбия ва спорт вазирининг 2020 йил 9 октябрдаги 1159-сонли буйруғига мувофиқ слаломда эшкак эшиш бўйича ҳам Ўзбекистон чемпионати баҳслари бўлиб ўтмоқда. Чемпионат Андижон вилояти Сув спорт турларига ихтисослаштирилган болалар ва ўсмирлар спорт мактаби ҳудудига яқин жойлашган анҳорда бўлиб ўтмоқда.