Байдарка ва каноэчиларимиз жаҳон чемпионатига жўнаб кетишди

Спортчиларимиз ушбу турнирда иштирок этиш учун бугун Руминияга жўнаб кетишди. Йилнинг ушбу нуфузли мусобақасида Ўзбекистон ёшлар терма жамоаси ҳам тўлиқ таркибда иштирок этади. Жаҳон чемпионати икки ёш тоифасида - 18 ва 23 ёшли эшкак эшувчилар ўртасида бўлиб ўтади. Ўсмирлар ўртасидаги баҳсларда Герман Арнолд, Антон Каламейков, Инкор Усмонов, Темур Ҳайдаров каби 8 нафар спортчимиз юртимиз спорт шарафини ҳимоя қилади. Ёшлар таркибидан 7 нафар эшкак эшувчимиз жой олган. Мураббийларимиз улар орасида Шохрух Аъзамов, Жавоҳир Нурматов, Нилуфар Зокирова ва Юлия Цойнинг имкониятини юқори баҳолашяпти. Терма жамоамиз аъзолари бугун бошланадиган жаҳон чемпионатининг барча дастурлари бўйича стартга чиқишади.