Байден ва Обама «Денвер Наггетс»ни NBA чемпионлиги билан табриклади

"Никола Йокич, мураббий Мэлоун ва бутун «Денвер Наггетс» жамоасини биринчи NBA чемпионлиги билан табриклайман",-деб ёзган Байден ижтимоий тармоқда. 

Шунингдек, АҚШнинг собиқ президенти Барак Обама ҳам жамоани чемпионлик билан табриклади:

"Денвер Наггетс"ни ва ажойиб финалнинг энг яхши ўйинчиси Никола Йокични илк чемпионлик билан табриклайман",-деди Обама. 

Эслатиб ўтамиз, «Денвер Наггетс» финал сериясида «Майами Хит»ни 4:1 ҳисобида мағлуб этиб, чемпионликни қўлга киритди. Шу йилнинг охири ёки кейинги йилнинг бошида NBA ғолиби бўлган жамоа аъзоларининг Оқ уйга анъанавий ташрифи режалаштирилган. Бу анъана Доналд Трамп даврида тўхтатилган эди.