Байроғимиз қабул қилинган кун муносабати билан оммавий тадбир ўтказилди

Мазкур тадбирда вазирлик раҳбарияти ва 500 нафарга яқин профессионал ва ҳаваскор спортчилар қатнашди. 

– Бугун Ўзбекистон Республикаси байроғи қабул қилинган кунга 28 йил тўлди. Муҳтарам Президентимиз мазкур байрамни кенг миқёсда ўтказиш бўйича топшириқ бергандилар. Ушбу кун ҳақиқатан ҳам мамлакатимиз миқёсида нишонланадиган энг йирик тадбирлардан бири ҳисобланади. Чунки бу фақатгина давлатимиз рамизигина бўлиб қолмай, дунёдаги энг чиройли байроқлардан бири ҳамдир. 

Чунки биз кўплаб халқаро мусобақаларда қатнашганимизда ҳам кўпчилик давлатлар буни алоҳида эътироф этишган. Ният қиламизки, Худо хоҳласа, 2020 йилда Токио олимпиадасида ҳам ҳамюртларимиз мана шу байроғимизни баланд кўтаришади. Шундай экан, ушбу байроқ спортчиларимиз учун Токио олимпиадаси учун қайсидир маънода эстафета десам, менимча, хато бўлмайди. Байроғимиз қабул қилинган кун барчамизга муборак бўлсин, – деди Жисмоний тарбия ва спорт вазири ўринбосари Шарифжон Мўминжонов. 

Шунингдек, тадбир сўнггида вазирлик раҳбарияти вакиллари ва мамлакатимиз спорти юлдузлари ёш спортчиларга байроқ улашди.