"Баъзида кучлилар ҳам шундай синовлардан ўтишига тўғри келади". Боксимиз юлдузлари Бектемирни қўллаб-қувватламоқда

Афсуски, боксчимиз проф боксдаги илк мағлубиятини америкалик Габриэль Росадодан қабул қилди. Ушбу ҳолат барча ўзбек бокси мухлисларини ранжитди. Бироқ, кутилмаган мағлубиятга нисбатан негативлар бўлаётгани йўқ, аксинча ҳамма боксчимизни янада кучли бўлиб қайтишига ишонч билдирмоқда. Шу жумладан, боксимиз юлдузлари ҳам Бектемирни ижтимоий тармоқлар орқали қўллаб-қувватлашмоқда:

Тўлқин Қиличев:

"Бу - спорт, ғалаба ва мағлубият ёнма-ён юради. Биз сен биланмиз, сен бундан ҳам кучлироқ бўлиб қайтасан. Ҳаммаси олдинда, биз сени яхши кўрамиз, ҳаммаси Аллоҳдан".

Муроджон Аҳмадалиев:

"Мағлубият ҳам, ғалаба ҳам Аллоҳдан. Баъзида кучлилар ҳам шундай синовлардан ўтишига тўғри келади. Сени нимага қодир эканлигингни биз яхши биламиз. Ин Шаа Аллоҳ, олдинда чиройли ғалабалар кутяпти, ҳали бу мағлубият ютуқларингнинг соясида қолиб кетади".

Шаҳрам Ғиёсов:

"Биз сен билан укажон, ҳали ҳаммаси олдинда. Кучли бўлиб қайтишингга ишонамиз".

Исроил Мадримов:

"Ғалаба ва мағлубият бу - Аллоҳдан. Биз сен билан, Бектемир! Ин Шаа Аллоҳ, катта ғалабалар олдинда".

Баҳодир Жалолов:

"Ғалаба ҳам мағлубият ҳам ёнма-ён. Биз сенга ишонамиз, укажон".

Фазлиддин Ғоибназаров:

"Ин Шаа Аллоҳ, ҳаммаси яхши бўлади. Халқимиз ҳар доим сиз билан бирга".

Ўз навбатида Olamsport.com сайти ҳам боксчимизни қўллаб-қувватлайди ва Бектемирга келгуси фаолиятида муваффақиятлар тилайди.  

Ижтимоий тармоқ асосида Сарвиноз Рахмонқулова тайёрлади