Беатрис Майя Сеул турнири ғолибасига айланди

Мусобақа бош соврини Дарья Касаткинага насиб этди. Бразилиялик теннис маликаси ҳал қилувчи финал учрашувида дунёнинг 13-ракеткаси бўлиб келган россиялик Дарья Касаткинани уч сет натижасига кўра мағлубиятга учратди - 1/6, 6/4, 6/1. Беатрис финалгача рейтингнинг 17-поғонасидан жой олганди. 

Теннисчиларнинг ўзаро учрашувларида Беатрис олдинда бормоқда - 3:1. Бир соату 52 дақиқа давом этган финал баҳсида Хаддад Майя 2 та эйс, 4 та брейкни амалга ошириб, 3 та қўшхатога йўл қўйди. 

Бу Хаддад Майя учун мавсумдаги биринчи, фаолиятидаги тўртинчи WTA соврини бўлди. Ушбу  ғалабаси эвазига у бугун эълон қилинган рейтингда Топ-15`га қайтди. Hana Bank Korea Open турниридаги муваффақиятли иштирок Беатрисга 500 рейтинг очкоси ҳамда 142,000 доллар мукофот пули келтирди. Касаткина эса 325 очко ва 87,655 доллар ишлаб олди.