Беатрис Хаддад Korea Open турнирининг иккинчи финалчиси

Дунёнинг 17-ракеткаси бўлиб турган бразилияик Беатрис Хаддад Майя 1/2 финалда WTA рейтингида 44-поғонада бораётган россиялик Вероника Кудерметовани 6/4, 6/4 ҳисобида мағлубиятга учратди.

Майя теннисчиларнинг ўзаро учрашувларида илк бор Вероникадан устун келди. Бундан аввалги икки баҳсда ҳам россиялик теннисчи зафар қучганди. Бир соату 48 дақиқа давом этган учрашувда Кудерметова 1, Хаддад Майя 2 та эйс зарбасини амалга оширган. Бугун у WTA 500 турнири бош соврини учун яна бир россиялик теннисчи Дарья Касаткинага қарши кортга чиқади.