Бектемир Мелиқўзиев АҚШга етиб борди + ФОТО

Бироз аввал боксчимиз АҚШга етиб борди. Бу ҳақида Шаҳрам Ғиёсов Инстаграмдаги саҳифасида маълум қилди. 

"Шаҳрам Робинзонга ўхшаб қолди дейишаётганди. Мана, олдимга Жумавой ҳам етиб келди", - деб ҳазиллашди Ғиёсов хурсандчиликдан.  

Дарҳақиқат, карантин эълон қилинганидан сўнг Шаҳрам Ғиёсов АҚШда бир ўзи қолиб кетганди ва узоқ вақтдан буён ўша ернинг ўзида машғулотлар ўтказаётганди. Энди боксчиларимиз биргаликда шуғулланишади. 

Бектемир Мелиқўзиевнинг навбатдаги жанги ҳақида аниқ маълумотлар йўқ. Бироқ, бир неча кун олдин боксчимиз билан суҳбатлашганимизда у келаси ой охирларида рингга чиқиши мумкинлиги ҳақида гапирганди.