Бектемир Мелиқўзиев Лас-Вегасда навбатдаги жангини ўтказди + ФОТО

Мазкур баҳсда ҳамюртимизга америкалик Клей Коллард рақиблик қилди. 8 раундга мўлжалланган жанг тўртинчи раундда якунига етди. Бектемир тўртинчи раундда кетма-кет зарбалари эвазига рақибини йиқитди ва ҳакам жангни якунлади. 

Шу тариқа, Бектемир проф боксдаги учинчи жангини ҳам нокаут эвазига ўз фойдасига ҳал қилди. Коллард эса тўққизинчи жангида иккинчи мағлубиятини қабул қилди. Қайд этиш лозимки, у бунгача нокаут эвазига мағлуб бўлмаганди. У фаолияти давомида 4 та ғалаба (1 та нокаут), 2 та мағлубият ва 3 та дуранг қайд этган.