29 янв 07:15
Янгиликлар
Бокс/ММА
Бектемир Мелиқўзиев рақибини нокаутга учратди + ВИДЕО
Профессионал боксчимиз Бектемир Мелиқўзиев АҚШда навбатдаги жангини ўтказди.
Калифорнияда "Golden Boy" компанияси томонидан ташкил этилган жангда ҳамюртимиз америкалик Улисес Сьеррага қарши рингга кўтарилди.
10 раундлик жанг 3-раунддёқ ўз якунига етди. Бектемир 3-раунд якунланишига оз қолганда чап қўли билан берган кучли зарбаси орқали рақибини йиқитди ва шу тариқа нокаут эвазига ғалабага эришди.
Ушбу ғалаба орқали Бектемир WBO Global камарини қўлга киритди.
Шу тариқа, Бектемир проф рингдаги 12-жангида 11-ғалабасини қўлга киритди. 9 та жангда у рақибларини нокаут эвазига мағлуб этган. 1 та жангда эса у имкониятни бой бериб қўйган.
Ҳавола :
Манба : olamsport.com
Фикрлар