13 дек 13:20
Янгиликлар

Бокс/ММА

Бектемир Мелиқўзиев тарозидан ўтди, эртага камар учун жанг + ФОТО

Рио Олимпиадаси совриндори, бугунги кунда проф боксда фаолият олиб бораётган Бектемир Мелиқўзиев бизнинг вақт билан эртага тонгда навбатдаги жангини ўтказади.

Калифорниядаги "Fantasy Springs Casino" аренасида ташкил этиладиган жанг оқшомида ҳамюртимиз америкалик Ваугин Александерга қарши 10 раундлик баҳсда рингга кўтарилади. Тўқнашув айни пайтда вакант бўлиб турган "WBA Continental Americas" камари учун ташкил этилади.

Бугун боксчилар жанг олдидан тарозидан ўтишди. Унга кўра Бектемир 75,74 кг, рақиб эса 75,29 кг тош босди.

Эслатиб ўтамиз, жанг Ўзбекистон вақти билан эртага тонгда ўтказилади.