08 апр 14:20
Янгиликлар
Бокс/ММА
Бектемир Мелиқўзиевни табриклаймиз!
Бугун бокс бўйича XXXI ёзги Олимпия ўйинларининг кумуш медали совриндори, ҳозирда фаолиятини профессионал боксда давом эттираётган Бектемир Мелиқўзиев ўз таваллуд айёмини нишонламоқда.
Бектемир Мелиқўзиев 1996 йил 8 апрель куни Қўқон шаҳрида дунёга келган. Бугунги кун қаҳрамони ўсмирлар ўртасида жаҳон чемпиони, Нанкин-2014 ўсмирлар Олимпиадаси ғолиби бўлган. Рио-2016 Олимпия ўйинларида кумуш медали соҳиби, икки карра жаҳон чемпионати совриндори (2015, 2017) ҳамда икки карра Осиё чемпиони (2015, 2017) ҳисобланади. Спорт соҳасидаги юксак ютуқлари давлатимиз томонидан "Ўзбекистон ифтихори" фахрий унвони билан тақдирланган.
Сайтимиз ижодкорлари ҳамда ўқувчилари номидан 22 апрель куни Лас-Вегас шаҳрида мексикалик Габриэль Росадога қарши реванш жангида рингга кўтариладиган Бектемир Мелиқўзиевни бугунги таваллуд айёми билан муборакбод этамиз. Чарм қўлқоп устамизга узоқ умр, мустаҳкам соғлиқ тилаймиз.
Ҳавола :
Манба : olamsport.com
Фикрлар