17 апр 09:28
Янгиликлар

Бокс/ММА

Бектемир Мелиқўзиевнинг жангига 4 кун қолди + ФОТО

Теглар : Бектемир Мелиқўзиев Пьер Юбер Дибомбе

Профессионал боксчимиз Бектемир Мелиқўзиев (13-1, 10 КО) 20 апрель (бизнинг вақт билан 21 апрель тонги) куни ўзининг 15-жангини ўтказади.

Иккинчи ўрта вазн тоифасида WBA Inter-Continental камари соҳиби бўлиб турган чарм қўлқоп устамиз шу куни франциялик Пьер Юбер Дибомбе (22-0-1, 12 КО)га қарши рингга кўтарилади. Бўлажак жангда Мелиқўзиев ўзига тегишли камарни ҳимоя қилади.

Маълумот учун, Нью-Йоркда ўтадиган катта бокс оқшомининг марказий жанги биринчи яримўрта вазн тоифаси чемпионлиги учун Девин Хейни ва Райан Гарсия ўртасида бўлиб ўтади. Ушбу проф бокс оқшоми DAZN PPV пуллик платформасида трансляция қилинади.

Бугун тунда боксчилар иштирокидаги расмий тадбирлар бошланади:

18 апрель, соат 01:00 - боксчилар иштирокидаги очиқ машғулот

18 апрель, соат 23:00 - боксчилар иштирокида матбуот анжумани

19 апрель, соат 23:00 - вазн ўлчаш ҳамда face to face маросимлари

21 апрель, соат 01:35 - бокс оқшомининг бошланиши

21 апрель, соат 05:00 - бокс оқшомининг асосий карди