Бектемирни мағлуб этган Росадо Хайме Мунгиа билан жанг қилади

WBC бугун, 17 сентябрь куни ўтказилиши белгиланган тендер савдоларини бекор қилди ва украиналик собиқ даъвогар Сергей Деревянченко ҳамда Хайме Мунгиа ўртасидаги саралаш баҳсини кейинроқ муддатга қолдирди.

Маълум қилинишича, Мунгиага жорий йилнинг октябрь ойида Габриэль Росадога қарши жанг ўтказиш имконияти берилади, Мунгианинг промоутерлари шу ёзда Росадонинг Бектемир Мелиқўзиев устидан қозонган ғалабасидан кейин айнан улар ушбу жангга ҳақли эканликлари ҳақида гапира бошлашди. Маълумотларга қараганда, Мунгиа - Росадо жанги 23 октябрь куни DAZNнинг Boxing Night'ида бўлиб ўтади.

WBC кейинчалик Мунгиа ва Деревянченко ўртасидаги саралаш жангига қайтади, унинг ғолиби ўрта вазн тоифасида WBC чемпиони Жермелл Чарло учун мажбурий рақиб бўлади.

"WBC Хайме Мунгианинг октябрь ойида Росадога қарши шартнома бўйича жанг ўтказиши ҳақидаги сўровини тасдиқлаганини маълум қилди. Кейин эса Деревянченкога қарши охирги саралаш баҳси бўлиб ўтади", - дейди WBC президенти Маурисио Сулаймон ўзининг Твиттер саҳифасида.