UZ

Сўнгги янгиликлар

21:03Сергей Павлович Волковга мағлуб бўлганидан сўнг илк бор баёнот берди 0 20:42WTA рейтинги. Топ-10 ўзгаришсиз, Нигина пастлади, Милана ва Севиль кўтарилди 0 20:21Йил трансформацияси: Диего Форлан теннисчига айланди 0 20:00Шара Буллет АҚШга жуда ғайриоддий сабаб туфайли кира олмаслиги айтилди 0 19:39ATP рейтинги. Жокович энди иккинчи ракетка, уч теннисчимиз юқорилади 0 19:18Формула-1. Макс Ферстаппен – Испания Гран-приси ғолиби! 0 18:57"Милан" "Тоттенхэм" ҳимоячисига қизиқяпти 0 18:36Жессика Пегула Берлинни забт этди 0 18:15Ислам Махачевнинг навбатдаги рақиби ва жанг санаси маълум. У яна бир рақибига реванш беради! 0 17:54Дунёнинг биринчи ракеткаси Галле турнири чемпиони 0 17:33"Ланс" Абдуқодир Ҳусановнинг Олимпиадада қатнашишига рухсат берди 0 17:12Шоҳжаҳон Эргашев АҚШга етиб борди + ФОТО 0 16:51Қозоғистонлик теннисчи Бирмингемда бош совринга эга чиқди 0 16:30БРИКС ўйинларида энг кўп медалга эга бўлган белбоғли курашчиларимиз жаҳон чемпионатида ҳам 14 та медаль қўлга киритишди + ФОТО 0 16:09Ла Лига клублари Европа чемпионатининг грузиялик юлдузига даъвогар 0

18 сен 09:49
Янгиликлар

Спорт курашлари

Бекзод Абдураҳмонов 1/16 финалда Токио Олимпиадаси чемпионига ютқазди, лекин ҳали бронза ва Париж-2024 чиптаси учун умид бор

Шу кунларда Сербия пойтахти Белград шаҳри спорт курашлари бўйича катталар ўртасидаги жаҳон чемпионатига мезбонлик қилмоқда.

Кеча жаҳон чемпионатининг навбатдаги куни эркин кураш бўйича беллашувлар давом эттирилди. Ҳамюртларимиздан Жавраил Шапиев бронза медали учун баҳсда ютқазган бўлса-да, лекин яна бир учрашувда ғалаба қозонган ҳолда Париж-2024 Олимпиадаси йўлланмасини қўлга киритди. 

Токио Олимпиадасининг бронза медали соҳиби Бекзод Абдураҳмонов -74 кг вазн тоифасидаги беллашувларда иштирок этди. Асосий тайёргарликни АҚШда олиб борган эркин курашчимиз илк босқичда польшалик Камил Рибичкини 12-1 ҳисобида мағлуб этди. Аммо 1/16 финалда Токио Олимпиадаси чемпиони, икки карра жаҳон чемпиони, россиялик Заурбек Сидаковга ютқазиб қўйди. Сидаков финалга йўл олгани боис, Абдураҳмоновда бронза медали ҳамда Париж Олимпиадаси учун имконият сақланиб қолди. Бунинг учун у биринчи галда ўтиш баҳсида грузиялик Автандил Кенчадзени мағлуб этиши лозим. 

Жаҳон чемпионатининг -57 кг вазн тоифасида баҳсларида юртимиз шарафини Токио Олимпиадаси иштирокчиси Ғуломжон Абдуллаев ҳимоя қилмоқда. У илк босқичда Шри-Ланка курашчиси Гаян Эканаякани мағлуб (10-0) этди. 1/8 финалда эса сербиялик Стефан Мичичга ютқазиб (2-7) қўйди. Мичич финалга йўл олгани боис, Абдуллаевда ҳам бронза медали ҳамда Париж Олимпиадаси учун имконият юзага келди. Бугун Ғуломжон ўтиш баҳсида кореялик Ким Гук Хеонга қарши гиламга чиқади.   

-92 кг вазндаги эркин курашчимиз Рустам Шодиев биринчи даврада польшалик Михал Ян Беилавскидан 10-2 ҳисобида устун келди. Аммо 1/8 финалда грузиялик Мириани Майсурадзега имкониятни бой (0-10) бериб қўйди ва жаҳон чемпионатидаги иштирокини якунлади. 1/2 финалда қозоғистонлик Ризабек Айтмуханга ютқазган Майсурадзе бугун бронза медали учун курашади. 

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг