Бекзод Абдураҳмонов жаҳон чемпионати совриндори!

Қувонарлиси, -74 кг вазн тоифасидаги баҳсларда иштирок этган ҳамюртимиз Бекзод Абдураҳмонов бронза медалини қўлга киритди. Гарчи у илк даврада грузиялик рақибга мағлуб бўлса-да, кейинчалик бронза медали учун кураш олиб бориш имконияти юзага келди. 

Ҳамюртимиз аввалига Польша, кейин эса Озарбайжон вакилларини мағлубиятга учратди ва бронза медали учун гиламга чиқиш ҳуқуқига эга бўлди. Медаль учун баҳсда туркиялик Сонер Демирташни мағлубиятга учратиб, Ўзбекистон ҳисобига ушбу жаҳон чемпионатидаги илк медални қўшиб қўйди.

Ушбу вазн тоифасида россиялик Заурбек Сидаков жаҳон чемпионига айланди. У финал учрашувида ҳамюртимиз Бекзод Абдураҳмоновни илк даврадаёқ мағлубиятга учратган грузиялик Автандил Кенчадзени таслим этди. Иккинчи бронза медали АҚШ вакили Жордан Барроусга насиб этди.