04 май 13:51
Янгиликлар
Спорт курашлари
Бекзод Абдураҳмонов Олимпиадага тайёргарликни АҚШда давом эттирмоқда + ФОТО
Жаҳон чемпионати совриндори, икки карра Осиё ўйинлари ғолиби, Токио Олимпиадаси лицензианти Бекзод Абдураҳмонов айни пайтда АҚШда бўлиб турибди.
Абдураҳмонов қисқа танаффусдан сўнг океан ортига йўл олди ва ҳозирда эркин кураш бўйича АҚШ, Пуэрто-Рико ҳамда Мексика терма жамоалари аъзолари билан биргаликда Олимпия ўйинларига тайёргарлик кўрмоқда. Бу курашчиларнинг бари Токио Олимпиадаси йўлланмасини қўлга киритиб улгурган.
Машғулотларда жаҳон чемпионати совриндори, икки Олимпиадада иштирок этган, Рио-2016 Олимпия ўйинларида ҳамюртимиз Ихтиёр Наврўзовга ютқазган пуэрто-риколик Франклин Гомес Матос, АҚШ терма жамоаси етакчиси, икки карра жаҳон чемпиони (Будапешт-2018, Нур-Султан 2019) Кайл Дэйк, жаҳон чемпионатининг кумуш медали совриндори Томас Гилман, мексикалик аёл курашчи Жейн Валенсияни кўриш мумкин. Франклин ва Дэйк айнан Абдураҳмоновнинг вазндошлари ҳисобланади.
Ҳавола :
Манба : olamsport.com
Фикрлар