Бекзод Абдураҳмонов ўзининг учинчи Олимпиадасида иштирок этади

74 кг вазн тоифасида юртимиз шарафини ҳимоя қилган Токио Олимпиадасининг бронза медали совриндори Бекзод Абдураҳмонов 1/2 финалда қирғизистонлик Орозобек Токтомамбетовни 6-0 ҳисобида мағлубиятга учратди ва терма жамоамизга навбатдаги лицензияни тақдим этди. Бу Абдураҳмонов учун учинчи Олимпиада бўлади.  

Афсуски, бугун гиламга чиққан қолган курашчиларимиз Ҳасанбой Раҳимов (125 кг), Умиджон Жалолов (-65 кг) ва энг тажрибали курашчимиз Магомед Ибрагимов (-97 кг) мағлубиятга учраб, бу имкониятдан маҳрум бўлишганди. Сербиядаги жаҳон чемпионатида эркин курашчимиз Жавраил Шапиев ҳам Париж-2024 Олимпиадаси йўлланмасини қўлга киритганди.