22 май 16:08
Янгиликлар

Спорт курашлари, Бокс/ММА

Бекзод Абдураҳмоновнинг ММАдаги жанги расман тасдиқланди + ПОСТЕР

Аввал хабар берганимиздек, эркин кураш бўйича Ўзбекистон терма жамоаси аъзоси Бекзод Абдураҳмонов ММАга қайтяпти.

Токио-2020 Олимпиадаси бронза медали соҳиби 16 июнь куни Америка Қўшма Штатларининг Массачусеттс штати Уилмингтон шаҳрида ташкил этиладиган Combat FC 4 турнирида октагонга чиқади. Ўша куни унга бразилиялик Дерик де Фрейтас (2-5) рақиблик қилади. Жанг ярим ўрта вазн тоифасида ўтказилади.

Маълумот учун, Бекзод Абдураҳмонов 2012-2017 йиллар давомида аралаш яккакураш билан шуғулланган. У ММАда 7 та проф жанг ўтказиб, уларнинг барчасида ғалаба қозонган. Олти жангда рақибларини муддатидан аввал мағлуб этган.