01 ноя 12:04
Янгиликлар

Бокс/ММА

Белал Муҳаммад бекор бўлган жангига муносабат билдирди

Яримўрта вазн тоифасида амалдаги UFC чемпиони Белал Муҳаммад қозоғистонлик Шавкат Раҳмоновга қарши бекор бўлганини расман тасдиқлади.

"Оёғимнинг суягида инфекция аниқланди. Энди олти ҳафта давомида шифокор назоратида бўлишим керак. Антибиотик осма уколи олишим кераклигини айтишди. Шу кунларда жисмоний фаоллик ҳам чекланди. Яратганнинг режалари энг буюги! Жангимни кутаётган барчадан узр сўрайман. Тез орада яна қайтаман", - деди шифохонада муолажаларни бошлаб юборган Белал.

Ҳозирда матчмейкерлар Шавкат Раҳмоновни йилнинг сўнгги рақамланган UFC турнирининг кардидаги жангини сақлаб қолиш, унга янги рақиб топиш ҳаракатини бошлаб юборишган. Айнан Белал Муҳаммад - Шавкат Раҳмонов чемпионлик жанги 7 декабрь куни Лас-Вегасда ўтказиладиган UFC 310 турнирининг марказий жанги бўлиши керак эди.