29 дек 10:44
Янгиликлар

Бокс/ММА

Белал Муҳаммад Чимаев билан жанг қилишни истамаган тўрт жангчи номини очиқлади

Белал Муҳаммад Хамзат Чимаев билан жанг қилишни хоҳламаган тўрт нафар аралаш яккакураш устаси номини айтди.

Яримўрта вазн тоифасида америка/фаластинлик UFC жангчиси Белал Муҳаммад (22-3-1) швеция/чеченистонлик Ҳамзат Чимаев (12-0)нинг навбатдаги жангига рақиб топа олмаётгани ҳақидаги постига муносабат билдирди.

Аввалроқ, Ҳамзат тўрт нафар жангчи у билан жанг қилишдан бош тортганини маълум қилган эди. Белал уларнинг ким эканини очиқлади.

“Йўқ дея жавоб берган тўрт нафар рақиб - Ник Диаз, Тони Фергюсон, Бретт Харт ва Крис Либен эди", - деб ёзган Белал ижтимоий тармоқдаги расмий саҳифасида.

Хамзат Чимаев сўнгги бор 10 сентябрь куни Лас-Вегас (АҚШ)да ташкил этилган UFC 279 мусобақаси доирасида америкалик Кевин Холланд (23-9-1)га қарши октагонга кўтарилиб, илк раунддаёқ рақибини сабмишен орқали мағлуб этган эди.