Белал Муҳаммад Чимаев ва Ковингтонни танқид қилди

Фаластин/АҚШ вакили, UFC жангчиси Белал Муҳаммад яқин орада жанги расман эълон қилиниши кутилаётган швециялик Хамзат Чимаев ва америкалик Колби Ковингтонни танқид остига олди. 

Муҳаммаднинг фикрича, Чимаев ва Ковингтоннинг рейтингда ундан юқорида экани бу нотўғри. Айни дамда, Муҳаммад рейтингда тўртинчи ўринда, Чимаев - уч, Ковингтон эса иккинчи поғонадан жой олган.

"Чимаев - Ковингтон жанги ҳақида музокаралар кетаётганини биламан, лекин бу жангдан маъно йўқ. Колби бу жангга рози бўлган, деб ўйламайман. Аввал ҳам айтганимдек, Ковингтон катта жангларни қабул қилмайди, у фақат ўзи мағлуб эта оладиган йигитлар билан жанг қилади.

Энди Хамзат ҳақида гапирсак. Яхши, сен Гилберт Бёрсни мағлуб этдинг, лекин сенда яна рейтинглилар билан жангинг борми? Нима учун сен рейтингда мендан юқоридасан? У енгил вазнли ва мағлубиятли серияга эга йигитлардан ташқари ҳеч кимни мағлуб этмаган", - деди Белал Муҳаммад ESPN MMA YouTube каналига берган интервьюсида.

Эслатиб ўтамиз, Белал Муҳаммад 22 октябрь куни америкалик Шон Брэди билан жанг қилиб, ғалаба қозонган эди.