02 ноя 13:10
Янгиликлар

Бокс/ММА

Белал Муҳаммад инфекция тушган оёғини кўрсатди + ФОТО

Яримўрта вазн тоифасида амалдаги UFC чемпиони Белал Муҳаммад ижтимоий тармоқдаги саҳифасига жанги бекор қилинишига сабаб бўлган жароҳатини кўрсатди.

Асли келиб чиқиши фаластинлик бўлган аралаш яккакураш устаси оёқ бармоғига инфекция тушиши натижасида UFC 310 турниридаги жангидан ечилганди.

"Мен шифокор эмасман. Лекин фикримча, мен UFC 310 турниридаги жангимни бекор қилиб, тўғри қарорга келдим", — дея сурат остида изоҳ қолдирган Муҳаммад.

Эслатиб ўтамиз, UFC 310 якунига етиб бораётган 2024 йилги энг сўнгги рақамланган UFC турнири ҳисобланади. Белал ушбу турнирнинг марказий жангида ўз чемпионлик камарини қозоғистонлик Шавкат Раҳмоновдан ҳимоя қилиши керак эди.