Белал Муҳаммад кетма-кет қабул қилган учинчи мағлубиятига изоҳ берди

Кетма-кет учинчи мағлубиятини қабул қилиб олган асли фаластинлик Белал кечаги омадсизлигига фалсафий ёндашаётгани ва шунинг баробарида оқшомнинг иккинчи муҳим жангида Эдмен Шаҳбазян устидан ғалаба қозонган жамоадоши Брендан Аллен учун хурсандлигини билдирди.

"Мен жуда бахтлиман, ҳавотирланмайман. Сен аслида кимлигингни ҳамма нарса сенинг сценарийинг бўйича кетганда эмас, балки ҳаммаси бошқача бўлганда билиб оласан. Бу йўлдан, сабоқлардан миннатдорман. Мен қайтаман.

Барча мухлисларимга, жамоамга ва оиламга раҳмат. Акам Брендан Алленни катта ғалабаси билан табриклайман. Унинг машаққатли меҳнати ўз самарасини бермоқда ва у камари сари интилмоқда", - деб ёзди Муҳаммад ижтимоий тармоқдаги саҳифасида.

Эслатиб ўтамиз, кеча Лас-Вегасда ўтган UFC Fight Night 278 турнирининг асосий жангида ярим ўрта вазн тоифаси вакили Белал Муҳаммад америкалик Гибриэль Бонфимга очколар (50-45, 50-45, 50-45) ҳисобига кўра ютқазганди.