Белал Муҳаммад кетма-кет учинчи мағлубиятини қабул қилган UFC Fight Night 278 турнирининг барча натижалари

Оқшомнинг асосий жанги ярим ўрта вазн тоифасида ўтказилиб, унда бразилиялик Габриэль Бонфим промоушеннинг собиқ чемпиони асли фаластинлик Белал Муҳаммадни мағлуб этишни уддалади ва бу билан рейтингда Топ-5`таликка кириб олиш учун катта қадам ташлади. Уччала ҳакам ҳам Бонфимнинг мутлақ (50-45, 50-45, 50-45) устунлигини таъминлади. 

Кетма-кет бешинчи ғалабасини қўлга киритган Габриэль жангдан кейинги интервьюсида кейинги рақиби сифатида дивизионнинг собиқ чемпиони, австралиялик Жек Делла Маддаленани кўраётганини маълум қилди. Белал Муҳаммад эса бугун аксинча, қаторасига учинчи мағлубиятини қабул қилиб олди. 

Турнирнинг аҳамияти жиҳатидан иккинчи жангида америкалик ўрта вазн тоифаси вакили, рейтингнинг тўртинчи поғонасидан жой олган Брендан Аллен ҳакамларнинг якдил қарори билан ватандоши Эдмен Шахбазяндан устун келди.

Қолган аҳамиятли натижаларга тўхталадиган бўлсак, ҳамюртимиз Богдан Гусковга потенциал рақиб сифатида таклиф этилган мағлубият нималигини билмай келаётган польшалик Иво Бараневский иккинчи дақиқадаёқ Янги Зеландия вакили Жуниор Тафани техник нокаутга учратди.

Шунингдек, Брайс Митчелл, Алессандро Коста, Эдгар Чайрез, Челси Чендлер, Жоандерсон Брито ва Кетлин Соуза ҳам бугунги жангда рақибларини муддатидан аввал мағлуб этди. 

UFC Fight Night 278 турнирининг барча натижалари:

Асосий кард жанглари

Габриэль Бонфим Белала Муҳаммадни очколар ҳисобига кўра енгди (50-45, 50-45, 50-45)

Брендан Аллен Эдмен Шахбазяндан очколар бўйича устун келди (29-28, 30-27, 30-27)

Том Нолан Фарес Зиамни очколар бўйича ютди (29-28, 29-28, 29-28)

Брайс Митчелл Сантьяго Лунани сабмишн (қўлда учбурчак усулида бўғиб қўйди) – 3-раунд, 4:52

Иво Бараневский Жуниор Тафани техник нокаутга учратди (оёқда зарба) – 1-раунд, 1:25

Прелим кард жанглари

Алессандро Коста Мэтт Шнеллни техник нокаут эвазига мағлуб этди (зарба) – 1-раунд, 2:32

Маркус МакГи Жон Яннисни ҳакамлар қарорига кўра мағлубиятга учрата олди (29-28, 30-27, 30-27)

Эдгар Чайрез Бруно Сильвадан сабмишн (ортдан бўғиш) эвазига устун келди – 1-раунд, 4:13

Челси Чендлер рақибаси Присцила Качоейрани сабмишн қилди (тирсак) – 1-раунд, 3:42

Жоандерсон Брито Жордан Ливиттни сабмишн эвазига енгди (бўғиш) – 1-раунд, 4:19

Жейсла Чавес рақибаси Юнейси Дубенни ҳакамларнинг айри қарори билан таслим этди (28-29, 29-28, 29-28)

Кетлин Соуза рақибаси Ариани Карнелоссини нокаутга учратди (оёқда бошга зарба) – 1-раунд, 1:34