18 июл 19:07
Янгиликлар

Бокс/ММА

Белал Муҳаммад Махачев ва Оливейра ўртасидаги эҳтимолий реванш жанги ҳақида: "Чарльз учун жуда ёмон жанг..."

Яримўрта вазн тоифасида UFC рейтингининг учинчи рақамли жангчиси Белал Муҳаммад Ислам Махачев ва Чарльз Оливейра ўртасидаги эҳтимолий реванш жанги ҳақида гапирди.

Эслатиб ўтамиз, 2022 йилнинг октябрида Махачев айнан Оливейрани мағлубиятга учратиб, енгил вазн тоифасида вакант бўлиб турган UFC чемпионлик камарини қўлга киритган эди.

"Исламнинг ҳимояси енгил вазн тоифасидаги бошқа жангчиларга қараганда юқори даражада тартибли. У жангда ҳужумга отилиб кетавермайди, зарбалар алмашинувига ҳам унчалик кўп эътибор бермайди. Оливейра бу алмашинувларда жуда кўп жангчиларни қулатган, лекин Исламни қўлга олиш учун жуда кучли бўлиш керак. Стилистик жиҳатдан, бу Оливейра учун жуда ёмон жанг", - деб ёзган Белал Муҳаммад.