Белал Муҳаммад нима сабабдан Шавкат Раҳмоновга қарши жангдан бош тортганини тушунтирди

“Ҳеч қачон жиддий рақиблардан қочмаганман. Мен доим энг кучлилар билан жанг қилганман. Сўнгги жангимда 15-0 рекордга эга жангчини мағлуб этдим. Шавкат хавфли, бироқ унга қарши жанг ортга ташланган қадам бўлади. Уни ҳам мағлуб этсам ҳам менга чемпионлик жангини беришмайди. Чунки бундай гапларни Шон Брэдига қарши жангдан сўнг кўп эшитдим. Мен энди фақат ўзимдан тепадагиларга қарши жанг қилмоқчиман. 

Мендан тепада Ковингтон, Усман ва Леон жой олган. Мен икки собиқ даъвогарларни, бир қатор кучли жангчиларни таслим этдим, бироқ ҳеч биридан сўнг чемпионлик жангини беришмади. Чемпионлик камарига эга бўлишим учун ягона йўл: собиқ чемпионга қарши жанг. Мен Камаруга қарши жанг қилмоқчиман. Билишимча, у аввалги жангидан сўнг жиддий жароҳат олмади ва тез орада қайтади. Шундай экан, менинг мақсадим Камару Усманга қарши жанг”, - деди Белал.