Белал Муҳаммад нима учун Доғистонда машғулот олиб боришини айтди

“Мен Доғистонга бориб, у ердаги йигитлар билан шуғулланишим шарт. Бу мен учун жуда ҳам зарур. Улар орқали мен янада кучли бўлишим мумкин. Ҳеч бир доғистонликка қарши спаринг жанглари осон ўтмайди ва уларнинг ҳар бири ҳар раундда менга етарли даражада қийинчилик туғдира олади. У ерда йиғин ўтказиш мен учун идеал бўлади. Мен охирги марта улар билан йиғин ўтказганимда рақибимга ҳеч қандай имконият қолдирмагандим.

Уларнинг ҳар бири даҳшатли жангчилар. Улар ҳар бир машғулотда максимал даражада ҳаракат қилишади. Мен ўзимнинг шерикларим билан машғулот олиб борганимда уларнинг ҳар бир ҳаракатини олдиндан биламан. Билмаган шерикларга қарши спарингларда эса мен ўзимни сал бошқача тутаман ва тўлиқ тайёр ҳолда жангга чиқаман”, - деди Белал Муҳаммад.