Беларусь термаси бош мураббийи: "Ўзбекистон билан ўйнашни истаймиз"

Эслатиб ўтамиз, Беларуснинг ҳам кўплаб жамоалари Россия каби халқаро турнирлардан четлатилган.

- Терманинг 2024 йил учун режалари қандай?

- Россия клубларига қарши ўйнашда давом этамиз. Венгриядаги жаҳон чемпионатидан олдин Хитой термаси бу ерга келиши керак эди. Бироқ логистик сабаблар туфайли улар сўнгги дақиқаларда ўйинни рад қилишди. Улар чемпионатдан олдин бизга ёки русларга мағлуб бўлишни исташмади, буни тушундик.

Ўзбекистон, Қозоғистон, Озарбайжонга қарши ўйинлар ўтказишни истаймиз. Куч бўйича улар бизга жуда яқин. Уларга таклиф жўнатдик, бироқ жавоб келмади. Шунингдек, Туркия ва Черногорияга қарши ўйинлар ҳам режада бор. Уларнинг жавобларини кутяпмиз. Қизларни россиялик жуда кучли жамоага қарши ўйин кутиб турибди. Улар ўз ватанларида мухлисларининг қўллаб-қувватлаши остида бор кучи билан ҳаракат қилишади, - деди Пявницкий.