Белбоғли кураш. Андижонда аниқланган алплар+ФОТО

Ўзбекистон Республикаси жисмоний тарбия ва спорт вазирлиги ҳамда Ўзбекистон белбоғли кураш федерациясининг йиллик тақвим-режасидаги ушбу чемпионатда Қорақалпоғистон Республикаси, Тошкент шаҳри ва барча вилоятлардан 265 нафар ёш спортчи-ўқувчилар иштирок этишди. 

Андижон олимпия захиралари коллежи манежида ташкил этилган ушбу мусобақада полвонлар белбоғли курашнинг классик ва эркин йўналишлари бўйича беллашишди. Мусобақанинг биринчи кунида ўсмирлар классик йўналишда, қизлар эса эркин йўналиш бўйича ўзаро куч синашишди. 

Дастлаб эркин усулда кураш тушган ўсмирлар ўртасида ғолиб ва совриндорлар номи аниқ бўлди: 

42 кг. Ҳикматжон Ғуломов (Фарғона) 

46 кг. Ҳусан Азимов (Тошкент ш.)

50 кг. Асадбек Раҳматов (Андижон)

55 кг. Нусрат Султонбоев (Андижон)

60 кг. Муҳаммаджон Расулов (Андижон)

65 кг. Ихтиёр Равшанов (Бухоро)

71 кг. Зуфар Рисқибоев (Тошкент в.)

77 кг. Ғофуржон Мелиқўзиев (Фарғона)

83 кг. Муҳаммад Ваҳобов (Тошкент в.)

90 кг. Илёс Обиджонов (Фарғона)

+90 кг. Нодирбек Сапарбоев (Хоразм)

Куннинг иккинчи ярмида давом этган қизлар ўртасидаги кураш баҳслари ҳам муросасиз ва қизиқарли тарзда бўлиб ўтди. Барчинойлар беллашувида  етти вазн тоифасида ғолибалар аниқланди: 

44 кг. Моҳигул Ибрагимова (Наманган)

48 кг. Мадина Акромова (Андижон)

52 кг. Бибигавхар Пўлатбоева (Қорақалпоғистон)

63 кг. Мафтуна Маҳмудова (Андижон)

70 кг. Умида Саидова (Фарғона)

+70 кг. Зебохон Носирова (Наманган)

Мусобақанинг иккинчи куни ўғил болалар белбоғли курашнинг эркин йўналишда куч синашишди. Классик усулдан фарқли улароқ бу йўналишда полвонлар оёғи билан бемалол чалиш усулларини қўллаши мумкин. Классикда эса рақиблар фақат белбоғидан маҳкам тутган ҳолда, оёқ ишлатмасдан беллашишади. Ғолиблар билан танишинг:

42 кг. Асадбек Абдуқаҳҳоров (Наманган)

46 кг. Диёрбек Раҳимов (Наманган)

50 кг. Дониёр Ўролов (Жиззах)

55 кг. Мардонбек Ўроқов (Сурхондарё)

60 кг. Муҳаммадиёр Маматов (Наманган)

65 кг. Қахрамон Омонбоев (Андижон)

71 кг. Иқболжон Имомжонов (Фарғона)

77 кг. Шохруҳ Имомбоев (Самарқанд)

83 кг. Мухторжон Жўрабоев (Наманган)

90 кг. Шохруҳ Нишонбоев (Фарғона)

+90 кг. Орифжон Иброҳимов (Наманган)

Чемпионат якунига етгач, ғолиб ва совриндорлар ташкилотчилар томонидан медаль, диплом ва эсдалик совғалари билан мукофотланишди.

Бахтиёр Турғунпўлатов, Наманган вилояти, Уйчи туман белбоғли кураш бўйича бош мураббийи, мусобақа ҳаками: 

- Ушбу чемпионатда ҳам ёш иқтидорли спортчилар кўплиги бизни хурсанд қилди. Барча ҳудудларимиздан иштирокчиларнинг борлиги, айниқса воҳа вилоятларнинг полвонлари водий полвонларига муносиб рақиб бўлаётгани белбоғли курашнинг янада оммалашаётганидан дарак беради. Бу мусобақаларда сараланган курашчиларимиз миллий терма жамоамизга захира тўплашда қўл келишини ҳисобга оладиган бўлсак, биз мураббийлар, ҳакамлар асосий эътиборимизни ёш истеъдодларни иқтидорини шакллантириш ва катта спорт сари йўналтириб, маҳоратли спортчи қилиб тарбиялашдан иборат бўлади.

Эслатиб ўтамиз, белбоғли кураш бўйича навбатдаги Ўзбекистон чемпионати 13-15 апрель кунлари Нукус шаҳрида бўлиб ўтади. Унда 2005-2006 йилларда туғилган ўсмирлар ва қизлар иштирок этади. 

Илҳом Раҳмонов тайёрлади, ўз мухбиримиз