Белбоғли кураш бўйича терма жамоа аъзолари учун тадбир ташкил этилди

Мазкур МДҲ давлатлари ўйинлари дастуридан белбоғли кураш спорт тури ҳам ўрин олган. Ушбу нуфузли мусобақада белбоғли кураш бўйича 14 нафар терма жамоамиз ҳам муносиб иштирок этишлари учун бош мураббий Усмон Маҳаматов бошчилигида Чирчиқ олимпия захиралари коллежида 20-29 августь кунлари ўқув-машғулот йиғинларини ўтказишди.  

Ўқув-машғулотлари якунлангач, кеча 29 августь куни Ўзбекистон белбоғли кураш федерацияси Чирчиқ шаҳар ҳокимлиги, “Адолат” СДП Чирчиқ шаҳар кенгаши ҳамда “Адолат” СДПнинг “Ёш адолатчилар” қаноти Тошкент вилояти Кенгаши билан ҳамкорлигида Чирчиқ шаҳрида ушбу терма жамоанинг мусобақага кетиш олди ва Мустақиллигимизнинг 30 йиллиги муносабати билан байрам дастурхони ёзиб, ўзига хос кузатув тадбирини ўтказишди.

Тадбирда Чирчиқ шаҳар ҳокими Санжар Юсупов, сектор раҳбарлари, Ўзбекистон белбоғли кураш федерацияси раиси Равшан Дастиров ва бошқалар иштирок этиб, спортчиларнинг МДҲ давлатлари ўйинларида муносиб иштирок этиб, кучлилар қаторидан жой олишини ва олтин медалларни қўлга киритиб, ватанимиз байроғини энг баланд кўтарилишида бор маҳоратларини намаён этишларини таъкидлаб, уларга нуфузли беллашувларда омад тилашди.

Тадбир сўнггида Чирчиқ шаҳар ҳокимлиги ҳамда “Ёш адолатчилар” қаноти Тошкент вилояти Кенгаши томонидан терма жамао аъзоларига эсдалик совғалари улашилди.

Илҳом РАҲМОНОВ тайёрлади